ლია მელაძის საგანმანათლებლო ბლოგი: პედაგოგიური პრაქტიკის კვლევა

26 ივნისი 2019 წელი

რეფლექსია კოლეგებისთვის კვლევის შედეგები

გაზიარების შესახებ

სსიპ ქალაქ თბილისის 167-ე საჯარო სკოლის 9 კლასში ჩავატარე პედაგოგიური პრაქტიკის კვლევა თემაზე:

„ასაკობრივი თავისებურებებიდან გამომდინარე პრობლემები და მათი გადაჭრის გზები რუსული ენის გაკვეთილზე“.

პრაქტიკული კვლევა და მისი შედეგები გავუზიარე კოლეგებს, რაც ჩემი აზრით,

დაეხმარება მათ მსგავსი კვლევების წარმოებაში და საკუთარი პედაგოგიური პრაქტიკის გაუმჯობესებაში, ასევე შეიმუშაონ მოსწავლეზე ორიენტირებული სასწავლო გარემოს შექმნისთვის საჭირო მიდგომები და სტრატეგიები. (იხილეთ პედაგოგიური პრაქტიკის კვლევა

https://drive.google.com/file/d/1kUQN2qEiNB-EkzuJTuuMj0P8nrnMa-oV/view?usp=sharing)

კვლევის მიზანი იყო:

ასაკობრივი თავისებურებებიდან გამომდინარე პრობლემების და მათი გადაჭრის გზების ძიება რუსული ენის გაკვეთილზე;

სირთულეებისა და პრობლემების იდენტიფიცირება
მოტივაციის ასამაღლებლად არსებული ცოდნის გაღრმავება და ახალი ცოდნის გენერირება;
ფსიქოლოგიური და პედაგოგიური ლიტერატურის გაცნობა;
სწავლების მეთოდების მრავალფეროვნების გაზრდა რუსული ენის გაკვეთილებზე;
ეფექტური გზების შეთავაზება , რათა გაუმჯობესდეს შემეცნებითი მოტივაცია და დავხვეწო ჩემი პედაგოგიური პრაქტიკა.
მიღწეული შედეგების შეფასება.
კვლევის პრეზენტაცია განვახორციალე 2019 წლის 6 ივნისს. პრეზენტაციას დაესწრო 14 მასწავლებელი.